Mae CCPC ar asiant sy’n cynrychioli feniws ac yn cyd-drefnu teithiau sef Creu Cymru yn cyfarfod unwaith yn rhagor yn yr Hydref i adeiladu ar waith defnyddiol a gychwynnwyd mewn cynhadledd ar y cyd y flwyddyn ddiwethaf. Gobeithir cynnal digwyddiad tebyg fis Rhagfyr nesaf. Mae’r ddau sefydliad ar hyn o bryd yn aros am gyhoeddiad o’r canlyniadau ymchwil a wnaed gan Cynulleidfaoedd Cymru (a gomisiynwyd gan Gyngor Celfyddydau Cymru) ynglŷn a chynulleidfaoedd drama. Disgwylir y bydd oblygiadau yn codi ar gyfer y ddau grŵp o argymhellion yn yr adroddiad, a bydd y gynhadledd ym mis Rhagfyr yn gyfle i drafod mentrau eraill a fyddai’n bosib cydweithio arnynt.
Archive for September, 2009
CCPC yn croesawu Gorchymyn Cymhwysedd Deddfwriaethol gan Lywodraeth Cynulliad Cymru
Ysgrifennodd CCPC i gefnogi menter Llywodraeth y Cynulliad drwy ddeddfwriaeth israddol a phwerau newydd i gyflwyno cefnogaeth gorchmynnol i ddarpariaeth celf a diwylliant gan awdurdodau lleol.
Ar hyn o bryd mae Llywodraeth Cynulliad Cymru yn ymgynghori am natur y ddeddfwriaeth. Bydd y broses hon yn dod i ben ar y 4ydd o Fedi. Yn gyffredinol beth bynnag, mae’r symudiad hwn yn cael ei groesawu oherwydd dylai arwain at gefnogaeth well i’r awdurdodau lleol.
CCPC yn ymateb i broses yr Adolygiad Buddsoddiad
Cyflwynwyd ymateb ar y cyd gan aelodau CCPC i’r amserlen sydd wedi cael ei awgrymu gan CCC ar gyfer yr Adolygiad Buddsoddiad. Mae aelodau CCPC yn bryderus fod yr amser yn brin iawn rhwng cyhoeddi’r manylion o beth fydd ei hangen a’r dyddiad terfynol o’r 2il o Dachwedd, felly gofynnwyd am ddau fis llawn ar gyfer paratoi ceisiadau. Mae CCPC hefyd yn bryderus am y broses adolygu yng ngoleuni yr hyn ddigwyddodd yn Lloegr, ac mae’n bwysig bod meini prawf tryloyw yn eu lle. Mae hyn hefyd yn cynnwys y broses o apelio allai ddilyn.